وطـــــن محدن يوصلكـ

السعـــــــــــــــــــــــــــــــــوووووودية

ديرتي محدن سوووواااااااااااااااااااااااك

لبى آآآآآلـــــ سعــــــــــــــــــــود كلهــــــــــــــــــمــ

اللوحة الأولى

الوطن.. تاج المواطن

أقرب من القلب ماكن

الغلا سر المواطن

يحفظ الله الوطن

الوطن عز وتهيّا

دونه رجال حميّا

بالسياسة اوبليّا

قطعوا روس الفتن

الوطن عشق وخذاني

قاصي المعشوق داني

ساكنن باقصى المحاني

اسعد الله السكن

الوطن عاليه عالي

هامته راس المعالي

شالنا فوق الأعالي

يحفظ الله الوطن
***

اللوحة الثانية

للزهر منها نصيب وللعطر منها سبيله

للقمر منها شعاع وللمطر منها سحابه

للنسب منها العريب وللحسب فيها اصيله

بنت عمٍ للسحاب وللرعد صلب وقرابه

للحزن فيها وقار وللفرح منها صهيله

للفرس منها جموح وللعمر فيها شبابه

مبتدا زين العرب ومنتهى حلم الفضيله

ما تفيض الاّ جلال وما تغيب الاّ مهابه

ما تهز الاّ الشديد وما تزم الاّ الثقيله

أطْوَل الدنيا ثبات واصدق العالم إنابه

درعها الدين الحنيف وتاجها روسٍ طويله

ماتنوش الاّ النجوم وما تشع الاّ صلابه
***

اللوحة الثالثة

كيف ما نعشق سماك وكيف ما نلثم ترابك

كيف ما ننقشك غالي باليدين وبالصدور

كيف ما نشهق سلمت وكيف ما نحمي جنابك

والله انا دون عرضك ما تكفينا القبور

فيك شق النور وجهه وانفتح للعز بابك

من حبا ربك محمد بالرسالة صرت نور

اطهر الدنيا محيا صوّبك والهم صوابك

لبسك دينه وصلى بارضك البكر الطهور
***

اللوحة الرابعة

يمَّه الوطن غالي

لازم نضمه كذا

مثل الفخر عالي

حتى ترابه غذا

يمه الوطن دافي

صدره مثل صدري

حنيّن ووافي

وقدره كبر قدري

يمه الوطن لمك

ودمه خلط دمك

وانفساك انفاسه

يعني الوطن امك

يا غصني وعودي

وعزي ووجودي

يصير لك هيبه

لا قلت انا سعودي
***

اللوحة الخامسة

من وين نبدا سيدي

فيك اتعبنا الكلام

وما وصلنا لك طرف

فيك اتعبنا الخصام

ما بين من قال الأبي

وبين من قال الشرف

من وين نبدا سيدي

ما فيه ذره في الوطن

ما لمست ايدينك

وما فيه دمع(ن) للوفا

ما اهدته عينك

لعيون من لبوا نداه

لعيون من راحوا فداه

من وين نبدا سيدي

اطراف بشتك وارفه

تظلل القاصي وتزيد

وفي عيونك سالفه

تهيجن امال الوطن

للمجد والحلم الأكيد

من وين نبدا سيدي

من نخلك اللي ركزت

اف كل شبر من الديار

في جنوب القلب فزت

واشمل لسلمى وشار

يا عمار الأرض جبت

الطويل من النهار

من وين نبدا سيدي
***

اللوحة السادسة

سلطان غالي قدره اعلى مكانه

سم الحريب وشاهد(ن) له زمانه

طلق الحجاج ووسع الله بطانه

انشهد انه للوطن سور وحزام

صان العهد فوق الحمول الثقيله

ضلع(ن) اكتوفه ما تعدم الوسيله

والى ارتعد حدب السيوف الصقيله

انشهد انه للوطن سور وحزام

راعي الكبير من الهقاوي والافعال

امضري(ن) نفسه على سلوم الابطال

في بسمته رحمه وب اهواله اهوال

انشهد انه للوطن سور وحزام

***

اللوحة السابعة

ديرتي سحب وترَزّم مالها والله شبيه

ساقها المولى عطايا رحمة للعالمين

امطري أنّى تشائي وخراجك له وجيه

اطهره ما يقسم الله من جزا للباذلين

الوفا عرق ومنابت ما يباع ونشتريه

يولد المولود فينا صادق وبر وأمين

ما علينا لو تطاول حاقد اوغر وسفيه

الصغاير للصغار وللجلل علمٍ مكين

يبطي الثرثار تافه ما وصل عزمه يديه

ما يزيد الصوت قدر ولا يعز التافهين

وان لقينا الخصم هين ما تناخينا عليه

ما نواجه كود ضلع وما نجز الا سمين
***

اللوحة الأخيرة - العرضة

من سواك اللي يذوب بقلب شعبه

ومن سواك اسكنهم بقلبه جميع

انت روح الحق وانت اللي صدع به

في يمينك سيف وف قلبك شفيع

يا طويل الخير خيرك اجتمع به

الوفا والصدق والرزق الوسيع

منهجك يا شيخ نهجٍ ترتفع به

الهمم يا سيّد النهج الرفيع

ابو متعب لا نوى الأمر وشرع به

وكل الله وان رجيته ما تضيع

الله اللي وامره والله نفع به

الكهل والشاب والطفل الرضيع.

وآآآآآآآآآآو

جونآأن بما تعنيه الكلمـــــــهـٍ

عوآأفي قلبووو

وديٍ

يسلمووووووووو

عروقــــــــــــــي تحتويك

تسلملي أناملك الحلوة

كلمات رائعهـ

يسلموووو ^_^