يــــــــــــــــــــــــازمن

يا زمن خذ كل ما أملك ترى كله فداك
خذ بقايا عمري المنثور في شاطيء عناي
خذ ذكرياتٍ عشتها مع الغلا واحنا معاك
وخلني احيا الأمل وارقب متى تمطر سماي
واعيش في رجوى فرج رب .. يعديني عناك
يدري ب****رة خاطري ويدري بآلامي ومناي
يا زمن ما همني ضحكك ولا بسمة شفاك
يا زمن ما أنت أكبر همومي ولا باحسن عزاي
إن شفت دمعة عين من فاقد فلا تبدي هناك
تبطي ولا طاحت دموعي فيك .. يا باغي بكاي
لا تحسب إنك بالهموم تزيد في قلبي ارتباك
ولا تحسب إنك يا زمن قادر على ****رة عصاي
وان كنت تحسب دمعتي بتنزل على شانك تراك
غلطان لاني ما بكيت إلا على فرقى غلاي
ولا دموع في ظلام الليل ما هي بتخْفْاك
جعلها تغسل ذنوبي وجعلها ستري وغطاي
وما ظنتي بابكي ولوني ذايقه سم الهلاك
حتى ولو كثرت سكاكين الغدر تطعن قفاي
حتى ولو صرت الغريبه فيك واتجرع شقاك
أو جاني العاذل بيجرحني أو بيبحث خفاي
لو درت لي ظهرك ترى ماني بمن تطرد وراك
رح جعلني صابر .. وما جاني سوى دفعت بلاي
لا تحسب اني بالحقك ولا بيعنيني رضاك
ما شاب شعري من سبايب فرحتي ولا هناي
ما اهتز فيني شي منك وما يغيرني جفاك
بحيا واموت وما يدهورني مثل مبدا وفاي
بابقى هنا أعطي مثل كنت أعطيلك هناك
واشوف منهو يا زمن يقدر يوقف لي عطاي
وأنا مع هذا ترى ما ني بنبي ولّا ملاك
والله ان عندي ذنوب ترجح بكفة شقاي
بس لطفك يالهي .. ما بينقذني سواك
أنت يا ربي ملاذي ورحمتك فيها رجاي
ما لي إلا ألتجي بك وأتوثق في عُراك
يالهي لا تخليني ترى كثروا اعداي

تحيــاااااااااااااااااتي

يعطيك العافيه ع الابيات