يــــا ابن الأجوااااااااد

لا تزيد حملي يا ابن الاجواد تكفى
" وتكفى " الا قيلت تهز الرجاجيل
ما جابت الأيام من هم كفى
أرجوك لا تثقل حمول المعاليل
جرحٍ رقبته لين يدمل ويشفى
ودمعٍ سكبته صدق من دون تمثيل
جرحٍ ماهو بيحتاج طبٍ ومشفى
ما غير يوقظني على تالي الليل
الموت غيب من أحبه واخفى
من بعدها ذقت المراره مع الويل
أيامي البيضا غدت عوج .. عجفى
وقلب سكنه الحب معروض تقبيل
أنا غريقه دون ملجا ومرفا
مالي سوى ربٍ يزيح البهاذيل
أرجوك تنسى ما حصل من مخفّى
وإذا غلطت فانت ****ّاب الجميل
رجال في الميقاف كفى ووفى
يجبر خطاوي من عثر صدق ويقيل
وينسى الذي كان مني ويغفر ويصفى
وما كان .. كان وما جرى بيننا قيل
والعذر جاك وباقي فيّ تجفى
ما كنني جيت أعتذر دون تذليل ؟؟